We deserve better… نستحق أفضل

نعم… نستحق أفضل من كل هذا 

Yes… We deserve better than all of this…

مش مستوعبين

هذه التدوينة تتضمن تغريداتي على تويتر خلال الساعة الأخيرة:

إحنا فعلا مش مستوعبين مدى تأثير ودور جهاز المخابرات على كل الأحداث والتطورات اللي تمت بدءاً من ٢٨ يناير ٢٠١١. يوم ما التفاصيل توصلنا هانتصدم.

مش مستوعبين دور المخابرات في إنشاء أحزاب وتكوين إئتلافات وحركات وهمية وفي التأثير على نتائج الإستفتاء وإنتخابات الشعب وفي تصعيد الإشتباكات

مش مستوعبين قد إيه إحنا مخترقين، وإن كتير من “أصحابنا” ورفاقنا في الكفاح وبعض الرموز وطبعا عدد من أعضاء مجلس الشعب طلعوا عملاء للمخابرات

كنا بنسأل يا ترى فين ملفاتنا اللي كانت في أمن الدولة. وطبعا إتأكدنا إنها إتحولت عالمخبارات وإنهم هيستفيدوابكل تفاصيل حياتنا قبل وبعد”الثورة”

بقالنا أكتر من سنة بنتكلم عن مهازل المجلس العسكري وإنتهاكات الشرطة العسكرية وجرائم قوات الصاعقة ومش مدركين إن المخابرات أكبر خطر على الثورة

بصراحة، أكتر حاجة ضايقتني شخصياً في موضوع المخابرات ده هي فكرة إختراقهم للعديد من دوائر النشاط السياسي والحقوقي، وحتى بعض دوائر الأصدقاء.

وخلاصة الموضوع: يسقط الجلاد عمر سليمان وصبيانه الذي مضى سنوات في تدريبهم لكي يقودوا أكبر حملة لإجهاض أي ثورة في تاريخ البشرية. صـــــمـــود.

“No Longer Do I Dream”

معركة باب اللوق - ٢٢ نوفمبر ٢٠١١

I used to write.
Times when I could care.
Times when we would share
Our thoughts with the night.

I used to to speak.
Times when no one dared.
Times when all were scared.
And now I am weak.

I used to think.
Thoughts I once could spare
Of a world I thought was fair.
Perceptions carved in ink.

I used to dream.
Times when I could rest
And lift the world off my chest.
No longer do I dream…
No longer do I dream.

أنا فعلاً آسف

أنا  آسف

انا آسف انني حسيت، ولو للحظة، ان احنا انتصرنا  بعد يوم ١١ فبراير

انا آسف انني قلت لأصحابي “خلاص كفاية تحرير، يلا نروح” بعد ما مشِّينا احمد شفيق

انا آسف انني، ولو للحظة، حسيت ان احنا خلاص تجاوزنا اي خطر لإجهاض الثورة وإن إحنا خلاص ممكن نتوقع من العسكر ان ينفذ باقي مطالبنا

انا آسف على انني، ولو للحظة، حسيت ان العسكر لن يمثل خطر على الثورة بعد تنحي مبارك وأنه سوف يخضع لإرادة الثورة والشعب. ـ

انا آسف على اليوم اللي قلت فيه لأي حد “اصبروا كام اسبوع وهانشوفوا ايه اللي هيحصل…” ـ

انا آسف على اليوم اللي اكتفيت فيه ب”ان شاء الله” ولم أضيف “ان شاء الشعب”

أنا آسف على اليوم اللي إقتنعت فيه بإن “شباب الثورة” هما اللي هيحكموا مصر… هما اللي هيوجهوا مصر… ان الأجيال السابقة لنا هاتقدرنا على مجهودنا
وهايشكرونا على تعبنا

انا آسف على انني ماجيبتش حق الشهيد بنفسي، وما جيبتش حق المظلوم بنفسي، واعتمدت، ولو ليوم، على انصاف الرجال في السلطة لتحقيق هذه الأغراض/مطالب

انا آسف انني ما اتصابتش اكتر… انني ما اتقبضش عليا اكتر…. انني ما اتعذبتش زي ما أصدقائي اتعذبوا وانني ما أعتقلتش زي ما هما أعتقلوا… ـ

انا فعلاً آسف يا مصر

#July8 Strike … إضراب ٨ يوليو